June28

Simba

June 29

Lunis

ONONAN BABASAEN Jer. 13: 1-11

Babasaen ya inaon ed libro na propita Jeremias

vImbagad siak na KATAWAN a manaliw ak na linen a pantalon a potut, insan ko isolung;

balet binilin to ak ya ag ko iiyan ed danum. vKanyan angaliw ak, insan ko insolung.vInsan

akisalita lamet so KATAWAN ed siak. Inkuanto, v“Lakad Ilog na Eufrates ta iyamut mod

abut diad saray baton-dampay imay potut a pantalon.” vKanyan linma ak, ta inyamut ko

ra ed abay na Eufrates.

vKalabas na amayamay ya agew imbagad siak na KATAWAN ya onla ak lamet ed

Eufrates, ta alaen ko may pantalon ya impaiyamut tod siak diman. vKanyan linma aklamet ed Eufrates, et nen nalmok imay pasen ya angyamutan kod samay pantalon,

anengneng kon aderal tan anggapo lay kana to.

vInsan akisalita lamet so KATAWAN ed siak. Inkuanto, “Onyay paneral kod

panagpaatagey na Juda tan say ontan lan panagpaatagey na Jerusalem. vSarayan totoon

maoges et ag ira inmonur ed siak, tan lawas anawet so puso ra tan maoges ira tan

inggalang tan nanlingkur irad arum a diriyos. Kanyan sirin, magmaliw iran singa sayan

potut a pantalon ya anggapo lay kana to. vKanyan no panoy kaelet ed awak yan potut a

pantalon, ontan met so kaelet a labay kon nepeg ya ipeket ed siak na amin a totood Israel

tan Juda. Onyay ginawak pian magmaliw iran totook, tan mangiter iray dayew tan galang

ed ngaran ko; balet ag da ak inonur.”

Say Salita’y Katawan.

Ebat a Salmo E/. (18) Nilingwanan yoy Dios ya angiter ed sikayo na bilay.

Alingwanan day Dios da, say makapanyarin manangilaban da,

say angiter ed sikara na bilay.

“Nen anengneng na KATAWAN yan ginawa ra, akapasnuk

tan impolisay to ray anak ton lalaki tan bibii.

E/.

Inkuanto, ‘Ag ko la ra tulongan;

nengnengen kod satan no antoy nagawa

ed sarayan anawet so olo tan aliwan matoor a totoo.

E/.

Lapud saray talintaoy diriyos da pinapetang day olok;

pinaimon da ak lapud saray ipapasen dan diriyos da,

saray aliwan peteg a diriyos.

Kanyan ikanak so sakey a paganon bansa a mamapetang na olo ra;

paimonen ko ra lapud sakey a bansan makulang-kulang iray totoo to.

E/.

Deut. 32: 18-19/20/21

Taon I tan II

Allelluia Cf.

Luc. 8:15

E/. Alleluia. Maliket iray aasikasoen day salita ed matoor tan maung a puso ra, tan

pansiasiansiaen da ya anggad mambunga. E/. Alleluia. (Or any in no. 509.)IBANGHILYO Mat.

13:31-35

+ Babasaen na masanton ibanghilyo onung ed Mateo

Sinalita nen Jesus so sananey nin alimbawa: “Say Panariay tawen aliling toy bokel na

mustasa a sakey ed saray sankamelagan a bokel. No itanem na sakey a tood dalin to,

ombaleg tan magmaliw a sankabalgan ed amin da ray tantanaman. Magmaiiw nin kiew

tan nayarin panobungay manok iray sangasanga to.”

vSinalita nen Jesus so sakey nin alimbawa: “Say Panariay tawen aliling toy libadura ya

inkames na sakey a bii ed taloran sukat na arina, anggad inmalsa may intiro angikamesan

to.”

vAmin iray imbaga nen Jesus ed totoo imparalan tod saray alimbawa. Anggapoy imbaga

tod sikara ya ag imparalan ed alimbawa. vGinawa to ya pian nasumpal so imbagay

propita:

“Iparalan kod saray alimbawa so pansalitak ed sikara;

ibagak ed sikaray bengatlan ag ni naamtaan nanlapud inkapalsay mundo.”

Say ibanghilyo’y Katawan.

June 30

martis

OONONAN BABASAEN Jer.

14: 17-22

Babasaen ya inaon ed libro na propita Jeremias

Ingganggan ak na KATAWAN ya ibagak ed sikaray nipaakar ed kaermenan ko. Ikuanko,

“Onagos komun ed agew tan labi so luak,

ag ak komun ontondan onakis,

lapud mapalaloy inkasugat na saray totook,tan ontan lay inkasakitan da.

No ompaway ak ed saray kaalogan,

nanengneng ko ray bangkay na saray totoon inaatey ed bakal;

no onla ak ed saray baley,

nanengneng ko ray totoon ompapatey ed eras.

Itutuloy na saray propita tan saray papari so kimey da,

balet ag da amta so gagawaen da.”

Akikasid KATAWAN iray totood Juda

KATAWAN, sigput so impangipolisay mod saray totood Juda?

Kabosul mo ray totood Sion?

Akin et mapalaloy impanugat mod sikami,

kanyan ag kami la naabigan?

Nampilalekan min nagamuray kareenan, balet anggapoy maabig a sinmabi;

inilaloan min onabig kami, balet makapasinagem lalaingey sinmabi.

KATAWAN, nankasalanan kamid sika;

ipatwa mi ray kasalanan mi

tan saray kasalanan da ray lalaki mi.

Nunot mo pa ray sipan mo, tan ag mo kami pa babalawen;

ag mo pa ipepelag ed kababaingan so Jerusalem

say pasen a kawalaay mapagalang a tronom.

Sumpal mo pa may impisipanan mod sikami,

tan ag mo pa dederalen.

Anggapod saray diriyos na saray bansa so makapaoran;

anggan say tawen ag to makapangipelag na mayamaya.

Sikay paniilaloan mi, KATAWAN a Dios mi,

ta sikay manggagawa na sarayan bengatla.”

Say Salita’y Katawan.

Ebat a Salmo Sal. 79:

8/9/11,13

E/. (9) Iyagel mo kami pa, O KATAWAN, lapud kagalangay ngaran mo.

Ag mo kami pa dudusaen lapud saray kasalanan da ray lalaki mi.

Kasian mo kami pa natan;

naandi lan amiy ilalo mi.

E/.

Tulongan mo kami pa, O Dios, tan ilaban mo kami pa;

iyagel mo kami pa tan pirdonam pa ray kasalanan mi,lapud kagalangay ngaran mo.

E/.

Dengel mo pay panay-ay da ray priso tan lapud baleg a pakayarim ibolus mo pa ray

asintinsiaan lan ompatey.

Insan sikami ran totoom, saray karniro na poluk mo, anggad anggan misalamat kamid

sika

tan idayew mi kad amin a panaon ya onsabi.

E/.

Taon I tan II

Alleluia Jn.

6: 63,68

E/. Alleluia. Ispiritu tan bilay, Katawan, iray salitam; walad sika ray salitan mangiiter na

bilay ya andi-anggan. E/. Alleluia. (Or any in no. 509.)

IBANGHILYO Mat.

13: 35-43

+Babasaen na masanton ibanghilyo onung ed Mateo.

Tinaynan nen Jesus iray totoo tan linmoob ed abung. Inmasingger iray disipulo tod sikato

tan kuanda, “Ipaliwawam pad sikamiy kabaliksan to may alimbawan nipaakar ed dikad

alog.”

Inmebat si Jesus, “Samay toon nampasek na maung iran bokel, say Anak na Too; samay

alog a nampasekan to, say mundo; saramay maung a bokel, saray totoon nepeg day walad

Panarian; saramay dika, saray totoon nepeg day walad Panarian to may Maoges; samay

kalaban a nansibwag na saray bokel na dika, say dilin Diablo. Samay panagani, say

anggaan na mundo; tan saramay omaani, saray anghil. No panoy impanipon tan impamool

na saray dika, ontan met so nagawa diad samput na mundo. Ibaki na Anak na Too ray

anghil to tan tiponen da, manlapud Panarian to, iray amin a totoon panlalapway kasalanan

tan amin iray totoon manggagaway kaogsan. Insan da ra ibantak ed manliub ya apoy a

diman ira manakis tan manngayet. Balet saray totooy Dios onsinag ira a singa agew ed

Panariay Ama ra. Dengel kayo sirin, sikayo ran walay layag!”

Say ibanghilyo’y Katawan.

July 1

Mierkolis

ONONAN BABASAEN Jer. 15:

10, 16-21

Babasaen ya inaon ed libro na propita Jeremias

Pangaskasiyay kipapasen ko! Akin et impaway ak ni na inak ed sayan mundo? Akin et

nianak ak a mikolkol tan misangsangan ed balang sakey diad bansa? Ag ak

mampapabayes na kuarta odino ombabayes ed siopaman; balet isasamba ak na balang

sakey.

Nansalita kad siak et dinengel koy amin ya imbagam. Kayaryan mo ak, KATAWAN a Dios

a Makapanyarin-amin, kanyan saray salitam pinano ray pusok na gayaga tan liket. Ag ko

inarap so akiliket-liket tan akielek-elekan ed saray totoo. Lapud impangonur kod saray

ganggan mo, nambukbukor ak tan napno ak na pasnuk. Akin et ag mansamput so paniirap

ko? Akin et ag onabig iray sugat ko? Getmam ta ya ekalan ak na biskeg na linawa a singa

kolus a nanaekatan no tiagew?”

Say KATAWAN inmebat, “No ompawil ka, awaten ta ka, tan magmaliw kan aripen ko

lamet. No mansalita kay makana-kana, aliwan say andi-kakanaan, magmaliw kan propitak

lamet. Ompawil ed sika iray totoo, tan ag nakaukolan ya onla kad sikara. Diad sarayan

totoo pagmaliwen ta kan singa puron gansan padir. Labanan da ka, balet ag da ka natalo.

Wala ak a mangyagel ed sika tan mangyarawid sikad kaatapan. Iyagel ta kad pakayari na

saray maoges tan maruksan totoo. Siak, say KATAWAN, so nansalita.”

Say Salita’y Katawan.

Ebat a Salmo Sal. 59:

1-2/3/9-10/16/17

E/. (16) Say Dios so salimbengan ko, diad panaoy gunigon.

Iliktar mo ak pad saray kalaban ko, O Dios ko;

iyagel mo ak pad saray ondodogpad siak!

Iyagel mo ak pad saray totoon maoges;

ipaliis mo ak pad saray managpatey na too!

E/.Nengneng mo! Tatalaranan da ak a pateyen;

mantitipon ya onlaban ed siak iray maruksan totoo.

Aliwan lapud kasalanan o kaogsan a ginawak,

E/.

Manmamatalek ak ed biskeg mo;

sika so salimbengan ko, O Dios.

Inaro ak na Dios ko tan dagoen to ak;

ipanengneng tod siak so katalo na saray kalaban ko.

E/.

Balet ikantak so nipaakar ed biskeg mo;

kinabwasan ya ikantak a maksil so nipaakar ed ag mangoman a panangarom.

Sikay salimbengan ko,

say siroman diad panaoy gunigon ko.

E/.

Idayew ta ka, sikan manangyagel ko.

Say Dios so salimbengan ko,

say Dios a mangaarod siak.

E/.

Taon I tan II

Alleluia

Jn. 8: 12

E/. Alleluia. Siak so silew na sankamundoan, kuay KATAWAN; say ontombuk ed siak

niwalad sikatoy silew a mangiiter na bilay ya andi-anggaan. E/. Alleluia. (Or any in no. 509.)

IBANGHILYO Mat.

13: 44-46

+Babasaen na masanton ibanghilyo onung ed Mateo

Inkuanen Jesus ed saray totoo: “Say Panariay tawen aliling toy kayamanan a nikotkot ed

alog. Nalmoy sakey a too, balet tinabunan to ni. Diad liket to, inlako ton amin iray

kayaryan to, insan pinawil tan sinaliw to may alog.”“Say Panariay tawen aliling to met so sakey a nigosianti a manaanap na saliwen ton

mararakep a pirlas. Nen akalmoy pirlas a mabmabli, inlako ton amiy kayaryan to tan

sinaliw to may pirlas.”

Say ibanghilyo’y Katawan.

July 2

HUIBIS

ONONAN BABASAEN

Jer. 18:1-6

Babasaen ya inaon ed libro na propita Jeremias

Inkuanen na KATAWAN ed siak, “Lakad abung na managgaway banga, ta iparengel kod

man ed sikay salitak.” Linma ak diman tan anengneng kon mankikimey ed dalig to may

managgaway banga. Kapag naaliwa so bangan kikimeyan to, alaen to may damili tan

gawaen ton sananey ya ikakana.

Insan inkuan na KATAWAN ed siak, “Ag ko ta nagawaan ed sikayo, totood Israel, so singa

samay ginawa na manggaway banga ed damili? Bebembenan ta kayod limak a singa

pambebemben na managgaway banga ed damili.

Say Salita’y Katawan.Ebat a Salmo Sal. 146:

1-2/3-4/5-6

E/. (5) Maliket so toon tutolongan na Dios nen Jacob.

E/. (Ordino) Alleluia.

Idayew yoy KATAWAN!

Idayew moy KATAWAN, O kamarerwak!

Idayew ko so KATAWAN legan kon mambibilay;

Kantaan ko so Dios ko diad intiron bilay ko.

E/.

Ag ka manmamatalek ed saray totoon pangulo;

anggapoy toon makapangilaban ed sika.

No ompatey ira, ompawil irad dalin;

naandipat met lad satan ya agew iray plano ra.

E/.

Maliket so toon tutulongan na Dios nen Jacob,

tan maniilalo ed KATAWAN a Dios to,

say Manamalsay tawen, dalin, dayat,

tan amin a logan da.

E/.

Taon I tan II

Alleluia

Jn. 10: 27

E/. Alleluia. Saray karnirok derengelen day bosis ko, kuay Katawan; amtak ira tan

totombuken da ak. E/. Alleluia. (Or any in no. 509.)

IBANGHILYO Mat.

13: 47-53

+Babasaen na masanton ibanghilyo onung ed Mateo

Inkuanen Jesus ed saray totoo: “Say Panariay tawen aliling to met so baleg ya iket ya

impelag ed dayat tan akala na amin a klasiy sira. Nen napno la, ginoyur na saray sumisigay

ed gilig na dayat. Inmirung ira tan impambibiigan da ra may sira, inkarga rad tiklis iraymaung tan imbantak da ray makapoy. Onya met so nagawa diad anggaan na mundo:

ompaway iray anghil tan ibiig da ray maoges ed saray maung a totoo. Ibantak da ray

maoges ed manliub ya apoy tan diman ira manakis tan manngayet.”

Tinepet nen Jesus ed sikara, “Natatalusan yo ra yan amin?”

“On,” ebat da.

Kanyan kuanto, “Ontan sirin, balang iskriban magmaliw a disipulo ed Panariay tawen,

miparad akanabung a mangipaway na balo tan daan iran bengatla a manlapud

panangisinupan to.”

Nen asumpal a sinalita nen Jesus ira yan alimbawa, tinmaynan ed saman a pasen.

Say ibanghilyo’y Katawan.

July 3

biyernes

ONONAN BABASAEN

Jer. 26: 1-9

Babasaen ya inaon ed libro na propita na Jeremias

Ag abayag, nen nagmaliw ya ari na Juda si Joakim a lakin anak nen Josias, say KATAWAN

inkuantod siak, “Manalagey kad patio na Timplo tan ibawag mo ray ingganggan kon

salitaen mod saray totoon nanlapud saray baley na Juda a mangigalang diman. Ibagam ya

amiy bengatla. Ag la pigan ondengel iray totoo tan ikaindan day maoges a panagbilay da.

No onyay gawaen da, mangoman ak ed kanunotan nipaakar ed ginetmak lan panderal ed

sikara lapud saray maoges a gawgawa ra.”

Say KATAWAN imbaga tod siak ya ikuankod saray totoo yan salita to, “Siak, say

KATAWAN, imbagak lad sikayo a nepeg yo ak a toluken diad pangonur yod saray bangat

kod sikayo. Nepeg yon dengelen iray salita na saray aripen kon propita ya imbabakik ed

sikayo. Ag yo nin balut inonur iray imbabaga rad sikayo. No ituloy yoy ag mangonur ed

siak, gawaen kod sayan Timplo so singa samay ginawak ed Silo tan saray amin a bansa

ikana ray ngaran na sayan siudad a sakey a samba.”

Saray papari, saray propita, tan amin a totoo et nadngel da ak a nansalita na sarayan

bengatla diad dalem na Timplo, tan kapangibagak ed saray amin ya ingganggan na

KATAWAN a salitaen ko, siningkat da ak tan ineeyag da, “Nepeg moy pateyen lapud saya!

Akin et imbagam, diad ngaran na KATAWAN, a sayan Timplo et magmaliw a singa Silo,

tan naderal yan siudad, tan anggapoy manayam dia?” Insan minokut ak na saray totoo.

Say Salita’y Katawan.

Ebat a Salmo Sal. 69:

4/7-9/13

E/. (13) KATAWAN, lapud balbaleg a panangarom, ebatan mo ak pa.

Saray mamobosul ed siak ya anggapoy makasengeg

et amayamay ira nen saray buek na olok.

Saray kabosul ko et mantitila ra sumpad siak;

mabiskeg ira tan labay da ak a pateyen.

Pinasoot dan ipawil ko ray bengatlan ag ko tinakew.

E/.

Lapud sika alemlemew ak

tan mapalaloy inkabaingan ko.Singa ak sangkaili ed saray dilin agagik,

singa ak toon nanlapud arum a bansa ed dilin pamilyak.

Say panangarok ed Timplom et singa apoy a mamopool ed siak;

siak so pepelagan da ray panagpabaing dad sika.

E/.

Balet siak, mampikasi ak ed sika, O KATAWAN;

ebatan mo ak pa, O Dios, ed labalabay mon panaon.

Ebatan mo ak pa, lapud balbaleg a panangarom,

lapud matoor kad sipan mo a mangilaban.

E/.

Taon I tan II

Alleluia

Jn. 14:6

E/. Alleluia. Siak so dalan, say katwaan, tan say bilay, kuay Katawan; anggapoy toon

makaonlad Ama no ag diad panamegley ko. E/. Alleluia. (Or any in no. 509.)

IBANGHILYO Mat.

13: 54-58

+Babasaen ya inaon ed masanton ibanghiyo onung kinen Mateo

Si Jesus pinmawil ed dilin baley to. Nambangat ed sinagoga ra tan mankelaw iran amiy

akadngel ed sikato. Inkuanda, “Iner so angalaan toy ontan lan kakabatan? Panoy

pakagagawa to ray milagro? Aliwa tan sikato ya may anak na karpintiro? Aliwa tan

manngaray Maria so ina to, tan di Santiago, Jose, Simon, tan Judas iray agagi to? Ag ta

manaayam ira diay agagi ton bibii? Iner kasiy angalaan to ra yan amin?” Ag da sirin

sinisia si Jesus.

Inkuantod sikara, “Narayew ed anggan iner so propita, likud ed dilin baley tan abung to.”

Ag to nanggaway dakel a milagrod man lapud anggapoy pananisia ra.

Say ibanghilyo’y Katawan.

July 4