Timete Deum

JuLY 19

Simba

July 20

Lunis

ONONAN BABASAEN Taon II

Mik. 6: 1-4, 6-8

Babasaen ya inaon ed libro na propita Mikias

vDengel yoy pangaakusa na KATAWAN ed Israel.

Alagey ka, O KATAWAN, ta iparontal moy pangaakusam; pandengel mo ray

kapalandeyan tan saray kapokdulan ed ibagam.

vSikayo ran kapalandeyan, sikayo ran andi-anggaan a pundasion na dalin, dengel yoy

pangaakusa na KATAWAN! Say KATAWAN walay pangakusaan tod saray totoo to. Akusaen

toy Israel.

Say KATAWAN kuanto, “Sikayo ran totook, antoy ginawak ed sikayo? Siak tay agawan

makabelbelat ed sikayo? Ebat kayod siak.vImpaway ta kayo ed Egipto; inekal ta kayod

impakaaripen; imbakik ira di Moises, Aaron, tan Miriam ya angiwanwan ed sikayo.”

vAntoy awiten kod KATAWAN a Dios na tawen, no onla ak a mangigalang ed sikato?

Mangawit ak na saray sankaabigan a kilaw na baka ya isaklang kod sikato ran bagat a

popoolan?vManliket kasiy KATAWAN no iyawitan ko na sanlibon karniro odino larak na

oliba ya ag manganggay agos to? Isaklang ko kasid sikaton bagat so pangulowan ya anak

ko a pambayar na saray kasalanan ko? vAndi, imbagad sikatayo na KATAWAN no anto so

maung. Say labay ton pagawad sikatayo saya: say panggawa tayo na katunongan, say

pangipanengneng tayo na ag mangoman a panangaro tayo, tan say pambilay tayon

mapaabeban masisiglaotan ed Dios.

Say Salita’y Katawan.

Ebat a Salmo E/. (23) Ipanengneng kod saray matonung so manangilaban a pakayari na Dios

Ibabaga to: “Tipon yod arap ko iray matoor a totook,

saray akisipanan ed siak diad impangisaklang day bagat.”

Ibabawag da ray katawenan a matonung so Dios

tan sikaton dili so huis!

Sal. 50: 5-6/ 8-9/16-17/21,23E/.

Ag ta kayo pamapasnukan lapud saray bagat yo

tan saray bagat a popoolan a lawas yon iyaakar ed siak.

Anggaman ontan ag ko nakakaukolay bakan kalakyan a manlapud saray alog yo,

o saray kanding a kalakyan a manlapud saray koral yo;

E/.

Balet kuay Dios ed saray totoon maoges,

“Antoy kanepegan yon mangidadalatdat ed saray ganggan ko?

Antoy kanepegan yon manotongtong na nipaakar ed impisipanan ko?

Ag yo labay so pamepetek kod sikayo,

ipopolisay yo ray ganggan ko.

E/.

Ginagawa yo ira yan amin, et anggapoy ibabagak,

kanyan abaloan yon singa ak sikayo.

Balet natan pamapasnukan ta kayo la,

tan ipapalinew ko la yan pamaakaran ed sikayo.

Say pisasalamat so bagat a mangigagalang ed siak,

tan andi-saew ya ilaban kon amin iray mangoonur ed siak.”

E/.

Taon I tan II

Alleluia Sal. 119: 135

E/. Alleluia. Ibindision mo pad siak so kiwawalam, tan ibangat mo pad siak iray ganggan

mo. E/. Alleluia. (Or any in no. 509.)

IBANGHILYO Mat. 12: 38-42

+Babasaen na masanton ibanghilyo onung ed Mateo

vWala ray pigaran iskriba tan Pariseo a nankuan, “Maistro, labay min naimatunan a

manggawa kay milagro.”

vInmebat si Jesus, “Agaylay kaogsan na totood sayan panaon! Anggapoy pananisia rad

Dios! Onkekerew kayoy milagro, anto? Anggapoy milagron naimatunan yo no ag say

milagro nen propita Jonas.vNo panoy impanayam nen Jonas a taloy agew tan labi ed dalem

na eges na balbaleg a sira, ontan met so panayam na Anak na Too a taloy agew tan labi

diad dalem na dalin. Diad Agew na Okum onalagey iray taga Ninive tan akusaen da kayo,

ta nansibkelan da ray kasalanan da nen nadngel dan nampulong si Jonas. Balet kuankod

sikayo a wadyay lalon makapanyari nen si Jonas! Diad Agew na Okum onalagey so RiynaSeba tan akusaen to kayo, ta nanlapud arawdawin pasen ya ondengel labat ed kakabatan

nen Solomon. Balet kuankod sikayo a wadyay lalon makapanyari nen si Solomon!”

Say ibanghilyo’y Katawan.

July 21

martis

ONONAN BABASAEN Taon II

Mik. 7: 14-15, 18-20

Babasaen ya inaon ed libro na propita Mikias

KATAWAN, sika pay mampastol ed saray totoon pinilim. Anggan manaayam iran

mambukbukor ed kalawakan, walay mataban dalin ed kaliber-liber da. Ipaarap mo pa ran

mangan ed saray malambut a pastolan ed Basan tan Galaad a singa ginagawa ra nen

saman.

vManggawa ka pa na saray milagro ed sikamia singa samay ginawam diad saramay

agew ya impaway mo kamid Egipto.

vAnggapoy dios a singa sika, O KATAWAN; pipirdonaen moy kasalanan da ray totoom ya

apaliisan day patey. Ag ka mampasnuk ya ando lan ando, no ag ta panliketan mon

ipanengneng so ag mangoman a panangarom. Sika so mangasi lamet ed sikami. Igatin-

gatin mo ray kasalanan mi tan ipalereg mo rad dalem na dayat!vIpanengneng moy

inkatoor tan say ag mangoman a panangarom ed saray totoom, saray kabyangay boleg di

Abraham tan Jacob, onung na insipan mod saray lalaki mi, nen saman nin panaon.Say Salita’y Katawan.

Ebat a Salmo E/. (7) KATAWAN, ipanengneng mo pad sikami so panangasim.

KATAWAN, mapangasi kad dalin mo;

pinaaligwas mo lamet so Israel.

Pinaandim ya amin iray kasalanan na saray totoom,

tan pinirdonam iray amin a kaogsan da.

Ag ka la natan mamapasnuk ed sikara,

tan binmetel lay ontan lan petang na olom.

E/.

Papawil mo kami pad sika, O Dios a manangilaban mi,

tan tondaan mo pa lay ag mo pakaliliket ed sikami!

Andi-anggaan so pasnuk mod sikami?

Ag la ontonday petang na olom ed amin a kailalakan?

E/.

Pasimbalom pay biskeg mi,

pian sikamin totoom et idayew mi ka.

Ipanengneng mo pad sikamiy ag mangoman a panangarom, O KATAWAN,

tan iter mo pad sikamiy manangilaban a tulong mo.

E/.

Sal. 85: 1-3/4-5/6-7

Taon I tan II

Alleluia Sal. 130: 5

E/. Alleluia. Maniilalo ak ed KATAWAN, manmamatalek ak ed salita to. E/. Alleluia. (Or any

in no. 509.)

IBANGHILYO Mat. 12: 46-50

+Babasaen na masanton ibanghilyo onung ed Mateo

vMansasalita niy Jesus nen sinmabiy ina to tan saray agagi ton lalaki. Nanalagar irad

arapay abung, ta labay dan pitongtongay Jesus. Inkuan na sakey ed saray totoon wadman,

“Wadyay inam tan saray agagim a lalaki. Wala rad paway a manaalagar, ta labay da ka

konon pitongtongan.”

vInmebat si Jesus, “Siopay inak? Siopa ray agagik?” Insan to intoro ray disipulo to tan

inkuanto, “Niay inak tan saray agagik! vTa siopamay manggaway linawa na Amak a walad

tawen, sikatoy agik, sikatoy inak.”Say ibanghilyo’y Katawan.

June 22

Mierkolis

ONONAN BABASAEN Jer. 1: 1,4-10

Say gapo na libro na propita Jeremias

vSasalitaen na sayan libro so nipaakar ed imbabaga nen Jeremias a lakin anak nen

Hilcias, tan sakey ed saray papari ed baley na Anatot diad dalin nen Benjamin.

vInkuan na KATAWAN ed siak, “Kasakbayan ta kan initday bilay pinili ta ka la, tan

kasakbayay inkianak mo, pinili ta kan magmaliw a propita ed saray bansa.”

vInsan ko inkuan, “KATAWAN a DIOS, ag ko amtay mansalita; ogaogaw ak ni.”

vBalet inkuan na KATAWAN ed siak, “Ag mo ibabagan ogaogaw ka; ingen, lakad saray

totoon pangibakian kod sika, tan ibagam ed sikaray amin ya igaganggan kod sika.vAg ka

ontatakot ed sikara, ta wala ak a mangyagel ed sika. Siak, say KATAWAN, so nansalita!”

vInsan inyonat na KATAWAN so taklay to, diniwit to ray bibil ko, insan kuantod siak,

“Nia, iter kod sika ray nepeg mon salitaen.vNatad sayan agew iiter kod sikay pakaoley ed

saray bansa tan saray nanarian, pian sikay mamagut tan mangigeba, maneral tan manalo,

mamaalagey tan mangiletneg.”

Say Salita’y Katawan.Ebat a Salmo E/. (15) Ikantak so panangilaban mo.

KATAWAN, sika so salimbengan ko;

ag mo ak pan balut patatalo!

Lapud matonung ka, tulongan tan iyagel mo ak pa.

Dengel mo ak tan ilaban mo ak pa!

E/.

Sika pa so baton-dampay a salimbengan ko,

tan mabiskeg a tirinsira a mangyagel ed siak,

sikay salimbeng tan manangyagel ko.

O Dios ko, iyagel mo ak pad saray totoon maoges,

diad pakayari da ray maruksa tan totoon maoges.

E/.

KATAWAN a DIOS, sikay paniilaloan ko;

nanlapud impanbalolakik, sikay panmamatalkan ko.

Sikay panmamatalkan ko legay bilay ko;

iyaagel mo ak manlapu lad inkianak ko.

Idayew ta ka lawas.

E/.

Ibawag koy inkatonung mo;

tongtongen ko lawas so panangilaban mo,

Idayew koy pakayarim, KATAWAN a DIOS;

ibawag koy inkatonung a kayaryan mon bukor.

E/.

Sal. 71: 1-2/ 3-4/5-6/15, 16

Taon I tan II

Alleluia Sal. 145: 13

E/. Alleluia. Say KATAWAN matoor ed saray sipan to, tan maung ya amin iray gagawaen to.

E/. Alleluia. (Or any in no. 509.)

IBANGHILYO Mat. 13: 1-9

+Babasaen na masanton ibanghilyo onung ed MateoPinmaway ed abung si Jesus tan inmirung ed gilig na dayat. vMinongkug na amayamay

a totoo, kanyan linmogan ed sakey a baloto tan diman lay inirungan to. Balet walad gilig

na danum iray totoo. Dakerakel a bengatla so sinalita nen Jesus ya imparalan ed

alimbawa. Inkuanto:

“Walay sakey a dumaralus a linman nampasek.vNen mansisibwag wala ray ilik a

dinmapod gilig na dalan. Sinmabi ray manok ya atap tan tinotoktok da ra may ilik. vSaray

arum ya ilik dinmapod dalin a batoy dalem to. Lapud kinaraiset tan kinaimpis na dalin,

tinmubo ran tampol. vBalet nen atagey lay agew, nalnes tan amagaan ira lapud ataptapew

iray lamut da. vSaray arum ya ilik dinmapo rad dalin a tutuboay dikarikan masabit. Nen

baleg la ra may dikarikan masabit, pinatey da ra may tinmubon ilik. vWala met iray ilik a

dinmapod mabonan dalin tan nambunga ra. Wala ray nambungay sanlalasus, wala ray

sananemaplo, tan wala met iray santatalomplo.”

vInsan kuanen Jesus, “Dengel kayo sirin, sikayo ran walay layag!”

Say ibanghilyo’y Katawan.

July 23

Huibis

ONONAN BABASAEN Taon II

Jer. 2: 1-3, 7-8, 12-13

Babasaen ya inaon ed libro na propita JeremiasSay KATAWAN imbaga tonvipulong kod balang sakey a too ed Jerusalem yan salita to:

“Nanununotan ko no panoy katooran mo nen wala ka nid kalangweran,

no panoy impangarom ed siak nen kapankasal ta;

tinotombuk mo ak ed kalawakan,

diad dalin ya ag nin balut ataneman.

vIsrael, bukor moy kayaryan ko nen saman;

sikay masanton kayaryan ko.

Pinairap ko tan initdan ko na segsegang

iray amin a mamapasakit ed sika.

Siak, say KATAWAN, so nansalita.”

vInyakar ko rad sakey a mabonan dalin,

pian napanliketan da ray naanid man tan saray arum a bengatlan maabig.

Ingen dineral day dalin ko;

impagmaliw dan makarimdimla so dalin ya inter kod sikara.

vAg tinepet na saray papari, ‘Kawalaan na KATAWAN?”

Ag ak kabat na saray dilin paparik.

Nilabanan ak na saray manoley;

nansasalita ray propita diad ngaran nen Baal

tan angigagalang irad saray andi-kakanaan a talintaoy diriyos.”

vKanyan igaganggan koy tawen ya onyegyeg na makapataktakot,

pian natalagnaw tan napakelaw kayo,

vta duaray nankasalanan na saray totook:

inkaindan da ak,

siak a sobul na mabilay a danum;

nankokotkot ira na saray bobun,

saray bobun a nanletak kanyan ag makakargay danum.

Say Salita’y Katawan.

Ebat a Salmo E/. (9) O KATAWAN, sikay panlalapwan na amin a bilay.

KATAWAN, say ag mangoman a panangarom et sasabien to ray katawenan;

say katooran mo et sasabien to ray kaloreman.

Say inkatonung mo et atagey a singa saray kapalandeyan,

say kaptekan mo et singa kaaralem na dayat.

Sika, KATAWAN, so mangaasikasod saray katoowan tan saray ayayep.

E/.

Sal. 36: 5-6/7-8/ 9-10

Mablin tuloy, O Dios, so ag mangoman a panangarom!

Niyaagel kamid silong na saray payak mo.Panliliketan miy ag nasabsabaan a kakanen ya iiter mo;

paniinomen mo kamid ilog na kaabigan mo.

E/.

Sikay panlalapwan na amin a bilay,

tan lapud silew mo nanenengneng miy liwawa.

Ituloy mo pan aroen iray makaamtad sika

tan ipanengneng so kaabigan mo ed saray matonung.

E/.

Taon I tan II

Alleluia Sal. 147: 2, 15

E/. Alleluia. Alleluia. (Or any in no. 509.)

Idayew moy KATAWAN, O Jerusalem; ipapalapag tod mundo so salita to. E/.

IBANGHILYO Mat. 13: 10-17

+ Babasaen na masanton ibanghilyo onung ed Mateo

vSinmingger iray disipulo ed kinen Jesus tan tinepet da, “Akin et ipaparalan mod

alimbaway ibabagam ed sikara?”

vInmebat si Jesus, “Niiter ed sikayoy pakaamta ed saray bengatlan nipaakar ed

Panariay tawen, balet andid sikara.vTa say toon wala to naitdan ni, pian nawalaan na

masoluk; balet say anggapo to, naala ni so anggan dagdaiset a walad sikato.vSay

makasengeg no akin et ipaparalan kod alimbaway ibabagak ed sikara et saya:

onnenengneng ira, balet ag ira makanengneng; onderengel ira, balet ag ira makadngel

odino makatalus. vKanyan ontutway propisiya nen Isaias nen inkuanto:

‘Ondengel lan ondengel ira yan totoo,

balet ag da natalusan;

onnengneng la ran onnengneng balet ag da nanengneng,

vta inmawet so olo ra yan totoo,

saray layag da nakar dan pinepetan,

tan inkopit day mata ra.

Lapud ag da labay a makanengneng,

o makadngel, o makatalus ira,

ta ompan lagi ompawil irad siak a mabolbolus,

et paabigen ko ra, kuay Dios.’

v“Balet maliket kayo, ta makakanengneng iray mata yo tan makakadngel iray layag yo.

vTandaan yo ya! Nampirawatan na amayamay a propita tan saray maung a totoo somakanengneng ed nanenengneng yo, balet ag da anengneng. Nampirawatan da met a

dengelen so narerengel yo, balet ag da nadngel.”

Say ibanghilyo’y Katawan

July 24

biyernes

ONONAN BABASAEN Jer. 3: 14-17

Babasaen ya inaon ed libro na propita Jeremias

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed

balang baley tan duara ed balang boleg, tan papawilen ta kayo ed Palandey na Sion. vItdan

ta kayo na saray manoley ya ontombuk ed siak. Tekep na kakabatan tan pakatalus so

panoley dad sikayo. vInsan no nagmaliw lan ag nabilang so kinarakel yo ed saman a dalin,

ag la salitaen na saray totoo so nipaakar ed Kaban na Sipanan ko. Ag da la nunoten so

nipaakar ed Kaban na Sipanan, odino nanunotan; ag da la anggan nakaukolan, odino

manggawa na sananey.vNo nasabi tan a panaon, natawag so Jerusalem a ‘Say Trono na

KATAWAN,’ tan amin a bansa mantitipon irad man a mangigalang ed siak. Ag da la gawaen

so ibagad sikara na anawet tan maoges a puso ra.Say Salita’y Katawan.

Ebat a Salmo Jer. 31:10/11-12/13

E/. (10) Say KATAWAN bantayan to itayo, a singa pambabantay na pumapastol ed saray karniro

to.

Say KATAWAN kuanto,

“Dengel yo ak, sikayo ran bansa,

tan ibawag yod arawi ran gilig na dayat iray salitak.

Inkaykayat ko ray totook, balet tiponen ko ra,

bantayan ko ran singa pambabantay na pumapastol ed saray karniro to.

E/.

Imbolus ko ray Israelita,

tan inyagel ko rad makapanyarin bansa.

Ondago ra tan mankanta rad liket diad Palandey na Sion

tan panliketan da ray rigalok—

saray rigalon trigo, alak, tan larak na oliba,

saray karniro tan saray baka.

E/.

Insan mansayaw tan manliket iray bibii;

manggayaga ray lalaki, malangwer may matakken.

Ligliwaen ko ra tan pagmaliwen kon liket so ermen da;

pagmaliwen kon gayaga so ermen da.

E/.

Taon I tan II

Alleluia Mat. 4: 4

E/. Alleluia. Aliwa labat a tinapay so pambilay na too, no ag pati amin a salitan ibabalikas

na Dios. E/. Alleluia. (Or any in no. 509)

IBANGHILYO Mat. 13: 18-23

+ Babasaen na masanton ibanghilyo onung ed Mateo

Inkuanen Jesus ed saray disipulo to: “Dengel kayo sirin ed kabaliksan na alimbawan

nipaakar ed dumaralus a nampasek. vSaramay ilik a dinmapod gilig na dalan aliling day

salitan nipaakar ed Panarian a derengelen na totoo, balet ag da natatalusan. Laen na

samay Maoges ya ekalen imay salitay Dios a dinmapod puso ra.vSaramay ilik a dinmapod

dalin a batoy dalem to aliling day salitay Dios a derengelen na totoo tan tampol danaawaten a sililiket. vBalet ag onlalamut tan ag mansiasiansiad puso ra. Kanyan no onsabi

lay kairapan a sikara lay napasegsegang makasengeg ed salitay Dios, bigla met la ran

ombetel. vSaramay ilik a dinmapod kasabitan aliling day salitay Dios a dedengelen na

totoo, balet kabebekta dederalen na saray kapagaan na panagbilay tan say inkaagum ed

kayamanan, kanyan ag ira mambunga. vSaray ilik a dinmapod mabonan dalin aliling day

salitay Dios a dedengelen na totoo tan natalusan da. Sikara yay mambunga. Wala ray

mambungay sanlalasus, wala ray sananemaplo, tan wala met iray santatalomplo.”

Say ibanghilyo’y Katawan.

July 25

sabado

ONONAN BABASAEN Jer. 7: 1-11

Babasaen ya inaon ed libro na propita Jeremias

Say KATAWAN imbaki to ak ed puirta na Timplo, a nila na saray totood Juda ta

mangigalang irad KATAWAN. Imbaga tod siak a manalagey ak diman tan ibawag ko so

labay ya ibaga ed sikara na KATAWAN a Makapanyarin-amin a Dios na Israel: “Pasimbalo

yoy panagbilay yo tan saray gagawaen yo, pian abuloyan ta kayon mansiansian mambilay

dia. vTondaan yo lay panagmatalek yod managpalikdon balikas, ‘Arawi kamid kaatapan!

Sikato yay Timplo na KATAWAN, sikato yay Timplo na KATAWAN, sikato yay Timplo na

KATAWAN!’

v“Pasimbalo yoy panagbilay yo tan tondaan yo ray gagawaen yo. Matonung komuy

panoolup na sakey tan sakey ed sikayo. vTondaan yoy panamairap yod saray sangkaili,

saray olilan sigput, tan saray balo. Tondaan yoy panagpatey yo diad sayan dalin na saray

totoon anggapoy kasalanan. Tondaan yoy panangigalang yod saray arum a diriyos, ta

deralen to kayo.vNo sumpalen yo ra ya, abuloyan ta kayon manayam ed sayan dalin ya

inter kon magnayon a kayaryan na saray lalaki yo.

v“Imano yo, andi-kakanaan so panmamatalek yod managpalikdon balikas.

vMantatakew kayo, mamapatey kayoy totoo, milalawanan kayo, anta nansamba kayo

mantitila kayo, mangibabagat kayod Baal, tan mangigagalang kayod saray arum a diriyos

ya ag yo ra kabat nen saman. Gagawaen yo ray makapaingungot ed arap ko, insan

manalagey kayod imatun ko diad dalem na Timplo tan kuanyo, ‘Arawi kamid kaatapan!’

vAbaloan yo amon amútan na saray tulisan so Timplok? Anengneng koy gagawaen yo.

Say Salita’y Katawan.Ebat a Salmo E/. (1) Agaylay kaabigan na panaayaman mo, O Makapanyarin-amin a KATAWAN.

Labalabay kon tuloy so makaloob diman!

Pampilpilalekan koy manayam ed Timplo na KATAWAN.

Diad intiron pusok sililiket ak a mankankanta ed mabilay a Dios.

E/.

Anggan saray manok ed tagey nanggagawa ray obung da,

tan saray anuyaw walay panaayaman da;

isisinup da ray sibong da ed abay na altar mo,

O KATAWAN a Makapanyarin-amin, arik tan Dios ko.

E/.

Agaylay liket da ray manaayam ed abung mo,

mankakanta ran naynay na pangidayew dad sika!

Agaylay liket da ray totoon manlalapud sikay biskeg da,

Diad panaakar da lalon ombibiskeg ira;

E/.

Say sanagew a panayam ed Timplom

et magmaung ni nen say sanlibon agew a panayam ed arum a pasen;

labay ko niy manalagey ed puirtay abung na Dios ko,

nen say manayam ed tulda na saray totoon maoges.

E/.

Sal: 84: 2/3/4-5,7/10

Taon I tan II

Alleluia. Mat. 11: 25

E/. Alleluia. Maliket ka, Ama, Katawan na tawen tan dalin; impaamtam ed saray

mapaabeba iray mistiro na panarian. E/. Alleluia. (Or any in 509.)

IBANGHILYO Mat: 13: 24-30

+ Babasaen na masanton ibanghilyo onung ed Mateo

vWala niy alimbawan imbaga nen Jesus ed sikara: “Say Panariay tawen alimbawa toy

sakey a lakin nampasek na maung iran bokel ed dalin to. vSakey a labi balet, nen nanaogip

iray totoo, walay dinmagon kalaban to ya angisibwag na saray bokel na dika; insan la

linma. vTinmubo ray trigo tan nen ombebesag la ra, pinmaway met iray dika. vLinmad

sikato ray aripen to tan inkuanda, ‘Ag ta maung iran bokel so insibwag yo? Nanlapwan

sirin na saray dika?’ vInmebat, ‘Ginawa na sakey a kalaban itan.’ Tinepet da ra mayaripen, ‘Labay mo a baguten mi ra may dika?’ v‘Andi,’ ebat to, ‘ta no baguten yo ray dika,

ompan napibagut yo ray trigo. vPaolyan yon mambansag iran ontuboy trigo tan dika ya

anggad panagani. Ibagak ed saray manani ed satan ya onaen dan baguten iray dika tan

balkuten da ran ibantak ed apoy, insan da anien iray trigo tan ikarga da rad kamalir.’ “

Say ibanghilyo’y Katawan