Timete Deum

July 12

Simba

July 13

Lunis

ONONAN BABASAEN Isa. 1:10-17

Babasaen ya inaon ed libro na propita Isaias

vJerusalem, saray manoley mo tan saray totoom et singa ra saray manoley tan saray

totoo ed Sodoma tan Gomorra. Dengel ka ed ibabagad sika na KATAWAN. Talineng moy

ibabangat ed sika na Dios tayo. vKuanto, “Say abaloan yo labay ko ray bagat ya itutuloy

yon isasaklang ed siak. Andi! Sinmawa ak la ed saray popoolan yon bagat tan saray taba

na saray sankaabigan ya ayayep yo. Ag ko labay so dala da ray bakan kalakyan, saray

karniro tan saray kanding. vSiopay angibagan mangawit kayo na sarayan ayayep no

mangigalang kayod siak? Siopay angiganggan ed sikayon gatin-gatinan yoy kaliber-liber

na Timplok? Andi-kakanaan so mangawit na saray bagat yo. Nanaingungotan ak lad

balingit na insinson ibabagat yo. Ag ko la naanosan iray Balon Bulan a Pista yo, saray

Agew na Panagpainawa yo, saray masanton panagtipon yo; nagmaliw iran andi-kakanaan

lapud saray kasalanan yo. vKabosul ko ray Balon Bulan a Pista yo tan saray masanton

agew yo. Agko la ra naanosan a sakbaten.

v“Onlingaw ak ed biek no itagey yo ray lima yo a mampikasi. Ag ta kayo dengelen

anggan mansosoldungay pikakasi yo, lapud dala ya amin so lima yo. vOrasan yoy sikayon

dili. Tondaan yoy amin a kaogsan a nanenengneng kon gagawaen yo. On, tondaan yo lay

panggagawa yoy kaogsan tan manaral kayo lan manggaway kamaungan. Ipakurang yoy

kaptekan ed saray katoowan—tulongan yo ray napapairap, iyagel yo ray olila, tan

imasakit yo ray balo.”

Say Salita’y Katawan.

Ebat a Salmo Sal. 50: 8-9/16-17/21, 23

E/. (23) Ipanengneng kod saray matonung so manangilaban a pakayari na Dios.

Ag ta kayo pamapasnukan lapud saray bagat yo

tan saray bagat a popoolan a lawas yon iyaakar ed siak.

Anggaman ontan ag ko nakakaukolay bakan kalakyan a manlapud saray alog yo,

o saray kanding a kalakyan a manlapud saray koral yo.

E./

Balet kuay Dios ed saray totoon maoges,

“Antoy kanepegan yon mangidadalatdat ed saray ganggan ko?

Antoy kanepegan yon manotongtong na nipaakar ed impisipanan ko?

Ag yo labay so pamepetek kod sikayo,

ipopolisay yo ray ganggan ko.

E./

Ginagawa yo ira yan amin, et anggapoy ibabagak,kanyan abaloan yon singa ak sikayo.

Balet natan pamapasnukan ta kayo la,

tan ipapalinew ko la yan pamaakaran ed sikayo.

Say pisasalamat so bagat a mangigagalang ed siak,

tan andi-saew ya ilaban kon amin iray mangoonur ed siak.”

E./

Taon I tan II

Alleluia Sal. 119:18

E/. Alleluia. Lokasan mo pa ray matak, O KATAWAN, pian nanengneng ko ray

makapakelaw a katwaan a walad ganggan mo. E/. Alleluia. (Or any in no. 509.)

IBANGHILYO Mat. 10:34-11:1

+Babasaen na masanton ibanghilyo onung ed Mateo

Inkuanen Jesus ed saray apostol to: “Ag yo iisipen a linma ak dian mangiter na

kareenan ed dalin. Andi! Linma ak dian awit koy ispada, aliwan say kareenan. vTa linma

ak dian panlalabanen ko ray anak a lalaki tan saray kaamaan da, saray anak a bibii tan

saray kainaan da, saray manugang a bibii tan saray katolangan dan bibii. vSaray kalaban

na sakey a too et saray kabyangan na pamilya to lamlamang.

v“Siopamay babaleg so panangaro tod ama o ina to nen say panangaro tod siak et ag

manepeg ed siak. Ontan met, siopamay babaleg so panangaro tod anak ton laki o bii nen

say panangaro tod siak, ag manepeg ed siak. vSiopamay ag to sakbatey krus to tan

ontombuk ed siak, ag manepeg a disipulok.vSiopamay alablabas so pangaaro tod bilay to,

nabalang to ni ingen; siopamay makabalang na bilay to nisengeg ed siak, naalmo to ni

ingen.”

v“Say mangawat ed sikayo awaten to ak met, tan say mangawat ed siak awaten to met so

angibakid siak. Say mangawat ed sakey a propita, lapud inkapropita to, minabang ed

tumang na saman a propita. Say mangawat ed maung a too, lapud inkamaung to,

minabang ed tumang na saman a too. vTandaan yo ya! Say mangiter na anggan sakey a

bason ambetel a danum ed sakey ed saray sankaabebaan a disipulok, lapud sikatoy

disipulok, walay awaten ton awaten a tumang to.”

vKasumpal a binilin nen Jesus iray labinduan disipulo to, tinmaynan ed saman a pasen

tan linman nambabangat tan nampupulong ed saray baley ya asingger diman.

Say ibanghilyo’y Katawan.

July 28

martis

OONONAN BABASAEN Isa. 7: 1-9

Babasaen ya inaon ed libro na propita Isaias

vGinmapoy bakal nen manaarid Juda si Ari Acaz a lakin anak nen Jotam tan apo nen

Uzias. Say ari na Siria a si Rezin tan say ari na Israel a lakin anak nen Remalias et

dinogpaan day Jerusalem, balet ag da adakep.

vNen akabatan na ari na Juda a saray sondalo na Siria et akasabi la rad dalin na Israel,

mapalaloy inkataktakot to tan saray amin a totoo to. Manggiwgiw ira tan singa ra

kakiewan ya ipapalig na mabiskeg a dagem.

vInkuan na KATAWAN ed kinen Isaias, “Itagar moy anak mon laki a si Searjasub, ta abet

yoy Ari Acaz. Narumog yod dalan a pankikimeyan da ray managgaway abel, diad samput

na banawang a pangipapaagusay danum a manlalapud niatagey a dipositoway danum.

Ibagam ed sikato a sipaparaan lawas, mansiansian mareen, tan ag ontatakot odino

nagugunigon. Say pasnuk nen Ari Rezin tan saray Siriano tan say pasnuk nen Ari Peca et

singa labat asewek na duaran napopoolan a bislak. Nankomplut sumpad sika so Siria tan

say Israel. Pilalek dan nadakep so Juda, taktakoten a pigampien ed sikara iray totoo to,

insan da payorungen ed trono so lakin anak nen Tabeel.v“Balet siak a KATAWAN kuanko ya ag yan balut nagawa.vAkin? Lapud aliwan

mabiskeg so Siria nen say Damasco a manonan baley to, tan say Damasco et aliwan

mabiskeg nen si Ari Rezin. No nipaakar ed Israel, naderal-deral ed loob na anemaplo tan

limay taon kanyan ag natogyup a sakey a bansa. vAliwan mabiskeg so Israel nen say

Samaria a manonan baley to, tan say Samaria aliwan mabiskeg nen si Ari Peca.

“No aliwan malet so pananisiam, ag ka makapansiansia.”

Say Salita’y Katawan.

Ebat a Salmo E/. (9) Say KATAWAN aasikasoen ton anggad angga so siudad to.

Matalonggaring so KATAWAN, tan manepenepeg ya idayew

ed siudad na Dios tayo, diad masanton palandey to.

E./

Atagey tan marakep so Sion a palandey na Dios;

say siudad na matalonggaring ya ari

so mangiiter na gayaga ed intiron mundo.

Impanengneng na Dios ya anggapoy nagawan maoges

ed loob na saray tirinsira na siudad lapud kiwawala tod man.

E./

Nantitipon iray arari

tan dinmago ran dinmogpa ed Palandey na Sion.

Balet kanengneng da nikelawan ira;

ataktakot tan kibatiktik ira.

E./

Asabian irad may baleg a takot tan segsegang,

singa biin ngalngali la mananak.

vsinga saray bapor ya ipapalig-palig na maksil a bagyo.

E./

Sal. 48: 1/2-3/4-5/6-7

Taon I tan II

Alleluia Sal. 119: 27

E/. Alleluia. Tulongan mo ak pa, pian natalusan ko ray ganggan mo et dalepdepen ko ray

makapakelaw a bangabangat mo. E/. Alleluia. (Or any in no. 509.)

IBANGHILYO Mat. 11: 20-24+Babasaen na masanton ibanghilyo onung ed Mateo

vInsan ginapoan nen Jesus a nampasnukan ira may baley a nanggagawaan toy karaklan

na saray milagro to, lapud ag da ni binenegan iray kasalanan da. “Pakaskasi ka, Corazin!

Pakaskasi ka met, Betsaida! Ta no dimad Tiro tan Sidon so akagawaan na sarayan milagro,

abayag la ra komuy taga diman a nankawes na sako tan nampulapol na dapul ed laman da,

a pakanengnengay impangibeneg dad saray kasalanan da! vTandaan yo sirin a diad Agew

na Okum, anlemlemew so dusa da ray taga Tiro tan Sidon nen say sikayo! vTan sika,

Capernaum, labay moy niatagey ya anggad tawen? Nibantak ka ni inged impirno! Ta no

agawa komun ed Sodoma ray milagron agawad sika, wala nin anggad natay Sodoma!

vTandaan mo sirin, a diad Agew na Okum, anlemlemew so dusa na Sodoma nen say sika!”

Say ibanghilyo’y Katawan.

July 29

Mierkolis

ONONAN BABASAEN Taon II

Isa. 10: 5-7, 13-16

Babasaen ya inaon ed libro na propita Isaias

vInkuan na KATAWAN, “Asiria! Ikanak so Asiria a singa pekpek a panusak ed saray

totoon pamapasnukan ko. Imbakik so Asiria ya ondogpa ed sakey a bansan anggapoy Dios

to, diad saray totoon amapetang na olok. Imbakik iray taga Asiria a mansamsam,

mantakew, tan mangigatin-gatin ed saray totoo a singa ra dotak ed saray dalan.”

vBalet say impirador na Asiria wala ray maruksan plano ton dili. Ginetma ton deralen iray

amayamay a bansa.

Ta say impirador na Asiria kuanto, “Siak a diliy nanggawad saraya. Mabiskeg ak,

makabat ak, tan masilib ak. Inekal ko ray ketegan na saray bansa tan inaalak iray abaston

insesempen da. Singa ak bakan kalakyan a nanggagatin ed saray totoon manaayam diman.

vSaray bansad mundo et singa ra obung na manok, tan inaalak iray kayamanan da; singa

ak nanaalay iknul ed obung ya ataynan. Anggapoy namparakpak a payak ya anaktakot ed

siak; anggapoy anggan inmonin manok a mamaarawid siak!”vBalet say KATAWAN kuanton, “Nayari kasin ipasirayew na wasay a matalonggaring ni

nen say mangiwawasay ed sikato? Odino say ligari nen say mangililigarid sikato? Say

bastun ag to lilibiten so too, no ag ingen say too so manlilibit ed bastun.”

VSay KATAWAN a Makapanyarin-amin mangipadalan na sakit a manusad saray matataban

sondalo. Diad saray laman da walay apoy a mampool lan mampool.

Say Salita’y Katawan.

Ebat a Salmo E/. (14) Ag paolyan na KATAWAN iray totoo to.

Papasegsegangen da ray totoom, KATAWAN;

papairapen da ray totoon kayaryan mo.

Papateyen da ray balon bibii, saray olila,

tan saray sangkailin manaayam ed dalin mi.

E./

Kuanda, “Ag itayo nanenengneng na KATAWAN;

ag itayo nanaimano na Dios na Israel.”

Talusan yo, sikayo ran totook, agay lay inkakulang-kulang yo!

Kapigay pakaaral yo?

E./

Pinalsa na Dios iray layag tayo—ag to makadngel?

Pinalsa to ray mata tayo—ag to makanengneng?

Pampapasnukan to ray bansa—ag to ra dusaen?

Bumabangat na katoowan—anggapoy amta to?

E./

Ag paolyan na KATAWAN iray totoo to;

ag to ikaindan iray totoon kayaryan to.

Manari lamet so inkatonung ed saray korti,

tan italindeg na amin a totoon matonung.

E./

Sal. 94: 5-6/7-8/9-10/14-15

Taon I tan II

Alleluia. Sal. 119: 34

E/. Alleluia. Ibangat mo pad siak so kabaliksan na ganggan mo, O KATAWAN, et onuren ko

ed intiron pusok. E/. Alleluia. (Or any in no. 509.)

IBANGHILYO Mat. 11: 25-27+Babasaen na masanton ibanghilyo onung ed Mateo

vInkuanen Jesus, “Misasalamat ak ed sika, Ama, Katawan na tawen tan dalin, ta

inyamut mo ra yan bengatla ed saray makabat tan makatalus, tan impaamtam ed saray

totoon mapaabeban singa saray ogogaw. vOn, Ama, agawa ya ta sikatoy nilabay mo.

v“Inter na Amak ed siak iray amin a bengatla. Anggapoy mikabat ed Anak likud ed

Ama; anggapoy mikabat ed Ama likud ed Anak tan saray labay a pangipakabatan na

Anak.

Say ibanghilyo’y Katawan.

July 30

Huibis

ONONAN BABASAEN Taon II

Isa. 26: 7-9, 12, 16-19

Babasaen ya inaon ed libro na propita Isaias

KATAWAN, pararakepen moy dalan da ray totoon matonung;

palanas so dadalanen da.

Oonuren miy linawam tan manmamatalek kamid sika;sika labat so pampilpilalekan mi.

vMasimoon ta kan pampilalekan no labi;

no sintinsiaan moy mundo tan saray totoo to,

naaralan da no anto so inkatonung.

Sika, O KATAWAN, so mamaaligwas na bilay mi;

sikay makankimey ed amin da ray gagawaen mi.

Dinusam iray totoom, KATAWAN,

tan diad paniirap da nampikasi rad sika.

Sika, KATAWAN, so makasengeg na impanayay mi,

a singa panayay na biin mampapasakit.

Nanirap kami tan nampasakit kami,

balet anggapo so inyanak mi.

Anggapoy pananalon niiter mid dalin mi;

anggapoy agawaan mi.

Mambilay lamet iray totoo min inaatey!

Nabilay iray bangkay da.

Amin da ray nanaogip ed saray lobuk da

et ombangon ira tan mankanta rad liket.

No panon a pabebetelen na linaew so dalin,

ontan met a pabilayen na KATAWAN iray abayag lan inatey.

Say Salita’y Katawan.

Ebat a Salmo E/. (19) Manlapud tawen, say KATAWAN inmosdung ed dalin

Balet sika, KATAWAN, ari ka ya anggad angga;

nanunotan ka na amin a kailalakan.

Ombangon ka tan kasian moy Sion;

sinmabi lay oras na pangasim ed sikato;

E./

sikato yay manepeg a panaon!

Saray aripen mo aaroen da so Sion, anggan aderal la;

kakasian da, anggan abagbag la.

E./

Takotan na saray bansa so KATAWAN;

takotan na amin ya ararid tapew na dalin so pakayari to.

No ipaalagey lamet na KATAWAN so Sion,

ipaamta toy kagalangan to.

Sal. 102: 12-13,14/15-17/18-20Dengelen to ray nikaindan a totoo to

tan ebatan toy pikakasi ra.

E./

Nepeg ya isulat para ontombuk a kailalakan so ginagaway KATAWAN,

pian idayew na saray totoon ag ni nianak.

Inmosdung so KATAWAN manlapud masanton pasen tod tagey,

E./

manlapud tawen inmosdung ed dalin.

Nadngel toy tagleey da ray priso,

tan imbolus to ray asintinsiaan ya ompatey.

E./

Taon I tan II

Alleluia Sal. 119: 35, 29

E/. Alleluia. Gawam pan sumpalen na pusok so linawam, O Dios; ibangat mo pad siak so

gangan mo. E/. Alleluia. (Or any in no. 509.)

IBANGHILYO Mat. 11: 28-30

+Babasaen na masanton ibanghilyo onung ed Mateo

Inkuanen Jesus: “Dago kayod siak, amin yon nakekesawan ed panaawit yoy ambelat, ta

pampainawaen ta kayo. vSakbat yoy pakok tan manaral kayod siak, ta mauyamo tan

mapaabeba ak, et makapampainawa kayo. vTa mainomay so ipasakbat kod sikayo, tan

anlemew so ipaawit kod sikayo.”

Say ibanghilyo’y Katawan.

July 31

biyernes

ONONAN BABASAEN Taon II

Isa. 38: 1-6, 21-22, 7-8

Babasaen ya inaon ed libro na propita Isaias

vLegan to met ira man ya agew, nansakit si Ari Ezekias tan ngalngali inatey. Linmad

sikato si propita Isaias a lakin anak nen Amoz tan kuantod sikato, “Ibabaga na KATAWAN

ya oksuy mo lan amiy bengatla, ta ag ka la onabig. Mamparaan kan ompatey.”

vInyarap nen Ezekias so lupa tod padir, insan nampikasi: “Nunot mo pa, KATAWAN, a

matoor tan masimoon so impanlingkur kod sika, tan sinumpal ko lawas iray nilabay mon

pagawad siak.” Kayari ton nampikasi nanakis na ampaipait.

vInsan ingganggan na KATAWAN si Isaiasvya ompawil ed kinen Ezekias ta ikuantod

sikato, “Siak, say KATAWAN a Dios na lakim a David, et nadngel koy pikakasim tan

anengneng koy interter na luam; pambilayen ta ka ni nalabinlimay taon.vIyagel ta ka tan

sayan siudad na Jerusalem ed impirador na Asiria tan ituloy kon iyagel so siudad.”

v Insan imbaga nen Isaias ed ari a tapalan toy pinitpit a bungay igos so pelsa to, pian

onabig. vTinepet nen Ari Ezekias, “Antoy pakapatnagan a mamaneknek a makaonla ak ed

Timplo?”

vInmebat si Isaias, “Say KATAWAN itdan to ka na sakey a tanda a mamaneknek a

sumpalen toy sipan to. Diad saramay balitang na takayan a ginawa nen Ari Acaz, say

KATAWAN paseneren to na samploran balitang so anino.” Sinmener a tua na samploran

balitang so anino.

Say Salita’y Katawan.

Ebat a Salmo E/. (17) Inyagel moy bilay ko, O KATAWAN; ag ak ompatey.

Ninunot ko a diad kakkaksilay bilay ko,

Onla ak lad pasen a panaayaman da ray inaatey,

Et naandian ak lay pankanawnawan mambilay.

E/.

Isa. 38: 10/11/12/16

Ninunot ko a diad tapew na dalin a kawalaan da ray mabilay,

Ag ko lan balut nanengneng lamet so KATAWANOdino siopaman a mabilay a too.

E/.

Apoltut so bilay ko tan nansamput la.

Singa sakey a tuldan inkusbo,

Singa abel ya apaksut ed panaginarameyan.

Abaloan kon pansasamputen la na Dios so bilay ko.

E/.

Katawan, mambilay ak para sika, tan para sika labat;

Paabig mo ak pa tan pambilay mo ak ni.

E/.

Taon I tan II

Alleluia Sal. 119: 28

E/. Alleluia. Pansiansiam ak pan mabilay, O KATAWAN, pian naomur ko ray ganggan mo.

E/. Alleluia. (Or any in no. 509.)

IBANGHILYO Mat. 12: 1-8

+Babasaen na masanton ibanghilyo onung ed Mateo

vAminsan ya Agew na Panagpainawa, ondadalan ed katrigowan si Jesus tan saray

disipulo to. Lapud narasan ira, nanaala ra may disipulo to na bungay trigo tan kinokotim

da. vNen anengneng na saray Pariseo a gagawaen da ya, inkuandad kinen Jesus,

“Nengneng moy gagawaen da ra tay disipulom. Sebel itan no Agew na Panagpainawa!”

vInmebat si Jesus, “Ag yo ta nin balut abasa so ginawa nen David nen sikato tan saray

kakaiba to et narasan ira? vLinma rad abung na Dios tan kinan da may tinapay ya

imbagat ed Dios. Sumpad Ganggan a kanen da man a tinapay, ta saray papari labat so

nayarin mangan ed saman. vO ag yo ta ni abasan balut ed Ganggan nen Moises a no Agew

na Panagpainawa saray paparid Timplo et onsusumpa rad igaganggay Agew na

Panagpainawa? Et ag da met ya pankakasalanan! vKuankod sikayo a wala diay lalon

makapanyari nen say Timplo. vAg yo komun imbaga a mankakasalanan iray anggapoy

kasalanan no amta yo labat so kabaliksan na ibabagay Masanton Sulat, ‘Panangasi so

labay ko, aliwan say bagat.’vTa say Anak na Too so Katawan na say Agew na

Panagpainawa.”

Say ibanghilyo’y Katawan.

August 1

sabado

ONONAN BABASAEN Mik. 2: 1-5

Babasaen ya inaon ed libro na propita Mikias

vPangaskasiyay kipapasen da ray abangon a mandokdokul tan mamplaplano a

manggaway kaogsan. Kasabiy kabwasan, no wala lay panakanawnawa ra, gawaen da lay

maoges a plano ra. vNo labay day kaalogan, sakopen da ra; no labay day kaabungan alaen

da ra. Maatap so kipapasen na amin a pamilya na balang too odino say kayaryan to.

vKanyan sa KATAWAN kuanto, “Mangyakar ak na deral ed sikayo tan ag yo ya

nibatikan. Nagulo-gulo kayo, tan diad satan ag kayo la makapanakar a mataltalker so

tenger yo. No onsabiy tan a panaon, tongtongen na saray totoo a sakey ya alimbawa so

inkaderal yo tan kantaen da yan kanta na ermen a nipaakar ed inkagawa yo:

Sigput kamin aderal!

Inala na KATAWAN so dalin mi

Tan inter tod saray anakep ed sikami.”

vKanyan no onsabiy panaon a nipawil lad saray totoo na KATAWAN so dalin, anggapoy

nabetangan yo.

Say Salita’y Katawan.

Ebat a Salmo E/. (12) KATAWAN, ag mo pa lilingwanan iray mairap-bilay

KATAWAN, akin et arawdawi ka?

Akin et onaamut ka no nagugunigon kami?

Mapaatagey iray totoon maoges tan papairapen da ray mairap-bilay;

erel mo pa rad saray patit ya imparaan da.

E/.

Say toon maoges ipapanta toy maoges iran pilalek to;

say toon maagom aayewen tan ipopolisay toy KATAWAN.

Say toon maoges ag to ikabkabilangan so KATAWAN;

lapud panagpaatagey to iisipen ton singa anggapoy Dios.

E/.

Napno na ayew, tila, tan taktakot iray balikas to;

marlas a mansalitay ansakit tan maoges.

Sal. 10: 1-2/3-4/7-8/14Amut-amut ed saray bario,

tan diman to tatalaranan a pateyen iray totoon anggapoy kasalanan.

Sisiimen to ray totoon pakaskasi;

E/.

Taon I tan II

Alleluia Sal. 119: 105

E/. Alleluia. Say salitam et sakey a lamparaan a mangiwawanwan ed siak, tan sakey a

liwawad dalan ko. E/. Alleluia. (Or any in no. 509)

IBANGHILYO Mat. 12: 14-21

+Babasaen na masanton ibanghilyo onung ed Mateo

vTinmaynan ira may Pariseo tan implano ra no panoy pamatey dad kinen Jesus.

vNen akabatan nen Jesus yan plano ra, tinmaynan diman. Amayamay iray totoon akilad

sikato. Pinaabig to ray amin a mansasakit, balet binilin to ran ag da ibabalitad anggan

siopa so nipaakar ed sikato. Agawa ya pian napatway imbaga nen propita Isaias:

v“Sava so aripen ko a pinilik,

sikatoy inarok tan pakaliliketan ko.

Iter koy Ispirituk ed sikato,

tan sikatoy mangipakabat na katonungan ed amin a katoowan.

vAg to oningal o misangsangan,

ag mambando ed saray dalan.

Ag to poteren so pikewet a tanobung,

odino erepey makuykuyep lan lamparaan.

Manseet ya anggad napanalo toy inkatonung:

tan sikatoy panilaloan na amin a katoowan.”

Say ibanghilyo’y Katawan.